«Қонунчилик муаммолари ахборотномаси» илмий-амалий нашрининг жорий йилдаги 1-сони нашр этилди. Унда Ўзбекистон Республикаси Президенти Шавкат Мирзиёевнинг Наврўз умумхалқ байрамига бағишланган тантанали маросимдаги табрик нутқи, шунингдек, қонунчилик муаммолари, норма ижодкорлиги ва парламентаризм соҳаларидаги илмий-амалий тадқиқот натижалари, илмий, миллий ва хорижий қонун ҳужжатлари ҳамда амалиёт бўйича қиёсий таҳлилларни ўз ичига олган қуйидаги мақолалар ўрин олган:

Фозилжон Отахонов
Миллий парламент фаолиятини илмий
ва ахборот-таҳлилий жиҳатдан таъминлашда Қонунчилик муаммолари ва парламент тадқиқотлари институтининг ўрни

«Сўнгги йилларда миллий парламентимиз, том маънода, давлат бошқарувида таъсирчан ва ҳал қилувчи аҳамиятга эга бўлди. Парламентнинг қонун ижодкорлиги, назорат ва вакиллик функцияларини такомиллаштириш мақсадида парламентга кўплаб ваколатлар берилди. Парламент фаолиятини такомиллаштириш борасидаги ислоҳотлар жараёнида унга сифатли ва малакали илмий ва ахборот-таҳлилий хизмат кўрсатиш муҳим аҳамият касб этади…

Шу ўринда ташкил этилганига беш йил тўлган мазкур Институт қандай ишларни амалга оширди, қайси вазифаларни тўлақонли бажара олди, уни ташкил этишдан кўзланган мақсадни оқлай олдими, деган ҳақли савол туғилиши табиий. Қуйида шу саволга атрофлича жавоб беришга ҳаракат қиламиз».

Илҳом Насриев
Меросхўрнинг меросни қабул қилмаганлиги ва ундан воз ҳам кечмаганлиги ёки ижро қилиш имконияти йўқлиги олдиндан маълум бўлган суд қарори ҳақида

«…Фуқаролик кодексидаги мерос мулкини қабул қилиш ёки уни қабул қилишдан воз кечишга оид нормалар номукаммалми? Нега?

…Суд қарори қонуний, асослантирилган ва адолатли бўлиши керак эмасми?

Фикримизча, юқоридаги суд қарори асослантирилган ва адолатли, лекин уни қонуний, деб бўлмайди…

Қўйингки, шу бугунга қадар ҳам меросхўр мерос мулкини қабул қилмаган бўлиши мумкин, керак бўлса қабул қилмайди ҳам, чунки у бу билан  қонунни бузаётгани йўқ, қонун нормасининг ўзи «бузуқ» соатга ўхшаб қолган».

Адҳам Одинаев
Неустойка қўллаш бўйича қонунчилик ва ҳуқуқни қўллаш
амалиётини такомиллаштиришга оид айрим масалалар

«…2019 йилда Еврокомиссия Google компаниясига 1,49 миллиард евро, АҚШнинг Савдо бўйича федерал комиссияси Facebook Inc компаниясига 5 миллиард АҚШ доллари, АҚШ Калифорния суди Германиянинг Bayer концернига 2 миллиард АҚШ доллари жарима белгилаган.

Дунё мамлакатларида мажбурият бажарилишини таъминлаш ва жавобгарлик чораси сифатида неустойкани қўллаш, кредитор ҳуқуқларини ҳимоя қилишнинг мақбул, самарали, таъсирчан ҳамда мутаносиб усул ва воситаларини такомиллаштириш бўйича янгича ёндашувлар кузатилмоқда».

Дурбек Махкамов
Ўзбекистонда ўсимлик дунёсини муҳофаза қилиш қонунчилигининг ривожланиш тенденциялари

«…2016 йил 21 сентябрдаги «Ўсимлик дунёсини муҳофаза қилиш ва ундан фойдаланиш тўғрисида»ги (янги таҳрири) Қонунни янгидан қабул қилиш зарурати мавжуд. Зеро, биргина сўнгги уч йилда қабул қилинган норматив-ҳуқуқий ҳужжатлар ва давлатнинг экологик сиёсати концепцияси бу ўзгаришларга том маънода ҳуқуқий пойдевор бўлиб хизмат қилади».

Фариза Рамазанова
Ўзбекистон Республикасида экстремизм, терроризм ва радикаллашувга қарши курашишнинг ҳуқуқий асосларини такомиллаштириш масалалари

«Халқаро ҳуқуқ нормаларига мувофиқ, бир томондан, экстремизмга қарши курашишда самарали воситаларни ишлаб чиқиш ва мавжуд қонунчиликни янада такомиллаштириш зарурати мавжуд бўлса, иккинчи томондан «экстремизм ва унинг ўта кескин шакли бўлган терроризмга қарши курашиш инсон ҳуқуқларини ҳурмат қилиш ва уларни қўллаб-қувватлаш каби нормаларга таянган ҳолда амалга оширилиши зарур» деган қоидага асосланишни талаб этади».

Миршод Бобоев
Рақамли технологияларнинг прокуратура органларидаги ўрни

«Рақамли технологиялар ҳаётимизга шунчалик сингиб кетдики, нафақат кундалик фаолиятимиз, балки ижтимоий-иқтисодий соҳалар ривожини ҳам уларсиз тасаввур қилиш қийин. Табиийки, бошқа соҳалардаги каби pақамли технологияларнинг прокуратура органларида жорий этилиши ҳам унинг фаолиятини тубдан ўзгартирмоқда».

Насиба Турғунова
Ёшлар — жамият тараққиётининг муҳим омили сифатида

«…ёшлар ўзларининг яратувчанлик, бунёдкорлик, фаоллик ва мобиллик хусусиятларига кўра, бошқа демографик гуруҳлардан ажралиб туради. Шу билан бирга, ёшлар «оғиш», яъни турли ёт ғоялар таъсирига тушиб қолиш, ҳис-туйғуларига берилувчан хусусиятга ҳам эга».

Улзада Шымбергенова
Вояга етмаган шахслар иштирокидаги тергов ҳаракатлари устидан прокурор назорати самарадорлигини ошириш масалалари

«…вояга етмаганлар билан боғлиқ ҳар қандай жиноят иши бўйича прокурор назорати таъсирчанлиги ва самарадорлигини ошириш мақсадида дастлабки тергов даврида барча тергов ва процессуал ҳаракатларда прокурор иштироки мажбурийлигини белгилаш таклиф этилади».

Акмал Азимов
Прокуратура органлари фаолиятини самарали ташкил этишнинг айрим масалалари

«…«Прокуратура органларида хизматни ўташ тартиби тўғрисида»ги қонун лойиҳасини ишлаб чиқиш, ўз навбатида, қатор қонуности ҳужжатларидаги қонун даражасида белгилаш мақбул бўлган нормаларни мазкур қонун лойиҳасида мустаҳкамлаш таклиф этилади. Бу эса ушбу йўналишда бир хил ёндашувни жорий этишга имкон яратибгина қолмай, «Норма ижодкорлиги фаолиятини такомиллаштириш концепцияси»да назарда тутилгани каби тўғридан-тўғри амал қилувчи қонун қабул қилинишига олиб келади».

Дмитрий Рахманов
Активное обсуждение политических и социальных вопросов — важный фактор участия граждан в процессе регулирования общественных отношений

«В современном Узбекистане повсеместно отмечается рост социальной активности всех членов гражданского общества, выражающийся в осознанном желании участвовать в решении вопросов, традиционно относящихся к ведению органов государственной власти. Развитие гражданской активности является объективным процессом, сопровождающим демократизацию экономической, правовой, социальной областей человеческой деятельности. Эти процессы характерны для Нового Узбекистана».

Васила Маматкасимова, Саидолим Бурханов
Обеспечение квалифицированного и компетентного перевода в уголовном процессе как важный фактор защиты прав и законных интересов его участников в Республике Узбекистан

«Известны случаи, когда в досудебное производство в качестве переводчика привлекаются люди, которые фактически не имеют должного профильного образования и опыта работы. В последнее время, также наблюдается тенденция использования интернет-ресурсов, прежде всего «google translate» в уголовном процессе для перевода собранных материалов. Имеют место случаи, когда привлеченный к процессу переводчик ограничивается переводом «интернет-переводчиков» и заверяет их, не проверяя на предмет точности и правильности».

Amirbek Kenjaev
On current issues of improving the legal framework for ICWC activities

«After gaining their independence at the end of the 20th century, the Central Asian states were faced with the task of forming a single regional body for the coordinated management of transboundary water resources. They accomplished this by creating the Interstate Commission for Water Coordination (ICWC) in 1992.

In the same year, in order to provide the legal basis for the activities of the commission, the Statute of the Interstate Commission for Water Coordination of Central Asia was approved, which spelled out several of its main tasks. At the initial stage of the ICWC’s activity, two main tasks were set before it, the first is to establish annual water limits for the founding states, and the second is to determine a unified water policy».

Yaroslav Kvitkov
The main directions of administrative reform in foreign countries and the Republic of Uzbekistan

«The beginning of the second millennium was marked by the implementation of large-scale administrative reforms in most foreign countries aimed at transforming public administration systems (in Australia, Great Britain, Germany, Canada, the USA, France, etc.)».

Бундан ташқари, Ўзбекистон Республикаси Олий Мажлиси ҳузуридаги Қонунчилик муаммолари ва парламент тадқиқотлари институтининг ташкил этилгандан буён беш йиллик даврдаги фаолиятига доир маълумотлар берилган.

Мақолалар уларда кўтарилган муаммолар ва уларнинг ечимига доир мушоҳадалар, илмий асослантирилган таклиф ва тавсиялар билан Сизларга манзур бўлади, деган умиддамиз.

Журнал билан lpri.uz/journal/ ҳаволаси орқали батафсил танишишингиз мумкин.

www.lpri.uz