Ўзбекистон Республикаси Одил судлов академияси қуйидаги лавозимларга танлов эълон қилади:
Жиноят-ҳуқуқий фанлар кафедраси ўқитувчиси;
Фуқаролик-ҳуқуқий фанлар кафедраси ўқитувчиси;
Иқтисодий-ҳуқуқий фанлар кафедраси ўқитувчиси;
Маъмурий-ҳуқуқий фанлар кафедраси ўқитувчиси;
Инсон ҳуқуқлари, халқаро ҳуқуқ ва ижтимоий-гуманитар фанлар кафедраси мудири;
Инсон ҳуқуқлари, халқаро ҳуқуқ ва ижтимоий-гуманитар фанлар кафедраси ўқитувчиси;
Магистратура факультети декани.
Кафедра мудири лавозимига номзод:
Ўзбекистон Республикаси фуқароси бўлиши;
олий юридик маълумот (магистр даражаси)га ҳамда судья сифатида камида беш йиллик иш стажига эга бўлиши;
фалсафа доктори (PhD) ёки фан доктори (DSc) илмий даражасига, шунингдек қоида тариқасида, профессор ёки доцент илмий унвонига эга бўлиши;
рус ва/ёки инглиз тилини билиши;
АКТдан самарали фойдаланиш кўникмасига эга бўлиши талаб этилади.
Кафедра ўқитувчиси лавозимига номзод:
Ўзбекистон Республикаси фуқароси бўлиши;
олий юридик маълумот (магистр даражаси)га ҳамда судья сифатида камида уч йиллик иш стажига эга бўлиши;
қоида тариқасида, фалсафа доктори (PhD) ёки фан доктори (DSc) илмий даражасига, шунингдек профессор ёки доцент илмий унвонига эга бўлиши;
рус ва/ёки инглиз тилини билиши;
АКТдан самарали фойдаланиш кўникмасига эга бўлиши талаб этилади.
Магистратура факультети декани лавозимига номзод:
Ўзбекистон Республикаси фуқароси бўлиши;
олий юридик маълумот (магистр даражаси)га ҳамда олий таълим тизимида камида беш йиллик иш стажига эга бўлиши;
қоида тариқасида, фалсафа доктори (PhD) ёки фан доктори (DSc) илмий даражасига, шунингдек профессор ёки доцент илмий унвонига эга бўлиши;
рус ва/ёки инглиз тилини билиши;
АКТдан самарали фойдаланиш кўникмасига эга бўлиши талаб этилади.
Номзодлар танлов асосида қабул қилинади.
Танлов икки босқичдан: тест синовлари ва очиқ дарс машғулоти ўтказишдан иборат. Тест синовларидан муваффақиятли ўтган шахслар иккинчи босқич – очиқ дарс машғулотлари ўтказишда қатнашадилар.
Очиқ дарс машғулоти маъруза шаклида Power Point Presentation/слайдлар ёрдамида ўтказилиши лозим.
Эслатма: маъруза (очиқ дарс машғулоти) мавзулари кафедралар предметлари бўйича ўқув дастурлари талабларига мувофиқ бўлиши керак.
Танловда иштирок этиш истагини билдирганлар Одил судлов академиясининг sudacademy@umail.uz электрон почтасига ёки 100097, Тошкент шаҳри, Чилонзор тумани, Чўпонота кўчаси, 6-уйга қуйидаги ҳужжатларни юборишлари лозим:
ариза (яшаш манзили ва уяли телефон рақамини кўрсатган ҳолда);
маълумотнома (объективка).
Аризалар 2025 йил 12 сентябрь соат 18.00 га қадар қабул қилинади.
Мурожаат учун тел.: (55) 501-01-67.
Мавзуга оид бошқа хабарлар