Тел: +998-91) 190-00-76
Email: info@mediator.uz
Иш вақти: 09:00 - 18:00

Коррупцияга қарши курашиш агентлиги ҳузуридаги жамоатчилик кенгашининг таъсис йиғилиши бўлиб ўтди

Коррупцияга қарши курашиш агентлиги ҳузуридаги жамоатчилик кенгашининг таъсис йиғилиши бўлиб ўтди


Жорий йилнинг 27 август куни Коррупцияга қарши курашиш агентлиги ҳузуридаги жамоатчилик кенгашининг таъсис йиғилиши бўлиб ўтди.

Йиғилишда кенгашнинг асосий мақсад ва вазифалари ҳамда бошқа ташкилий масалалар муҳокама қилинди.

Ўзбекистонда коррупциянинг олдини олиш ва унга қарши курашиш бўйича олиб борилаётган сиёсат ва чора-тадбирларнинг самарадорлигини оширишга кўмаклашиш Жамоатчилик кенгашининг асосий мақсади эканлиги қайд этилди.

Кенгаш аъзолари томонидан ушбу мақсадни амалга ошириш учун бир қатор таклиф ва тавсиялар билдирилди.

Хусусан, Агентлик томонидан ишлаб чиқилаётган норматив-ҳуқуқий ҳужжатлар муҳокамаларида иштирок этиш ва таклифлар билдириб бориш, Коррупция энг кўп учраётган соҳалардан бири юзасидан жамоатчилик эшитувини ташкил этиш, коррупциявий хавфларни камайтириш юзасидан таҳлилий материаллар ва таклифларни агентликка тақдим этиб бориш каби йўналишлар шулар жумласидандир.

Шунингдек, йиғилишда ташкилий масала ҳам кўриб чиқилди ва кенгаш раиси ва унинг ўринбосарлари сайланди.

Йиғилишда Жамоатчилик кенгаши аъзолари таркибида Олий Мажлис ҳузуридаги Қонунчилик муаммолари ва парламент тадқиқотлари институти директори, юридий фанлар доктори, профессор Фозилжон Отахонов ҳамда Институт бўлим бошлиғи, юридик фанлар бўйича фалсафа доктори Шахноза Жолдасова иштирок этди.


Манба



«    Март 2024    »
ПнВтСрЧтПтСбВс
 123
45678910
11121314151617
18192021222324
25262728293031