Бугун Ўзбекистон Республикаси Олий Мажлиси Сенатида МДҲ аъзо–давлатлари Парламентлараро Ассамблеяси ташкил топганлигининг 30 йиллиги муносабати билан байрамона тадбир бўлиб ўтди.

Унда парламентлараро самарали ҳамкорлик йўлидаги фидокорона хизматлари учун МДҲ Парламентлараро Ассамблеяси томонидан 30 йиллик юбилей эсдалик ва кўкрак нишонлари билан тақдирланган бир гуруҳ Олий Мажлис Сенати аъзолари ва Қонунчилик палатаси депутатлари, вазирлик ва идоралар вакилларига МДҲ Парламентлараро Ассамблеяси бош котиби Дмитрий Кобицкий, Олий Мажлис Сенати Раиси Танзила Нарбаева ҳамда Олий Мажлис Қонунчилик палатаси спикерининг ўринбосари Улуғбек Иноятов томонидан юбилей медаллари ва нишонлари топширилди. 

Улар қаторида Ўзбекистон Республикаси Олий Мажлиси ҳузуридаги Қонунчилик муаммолари ва парламент тадқиқотлари институти директори, юридик фанлар доктори, профессор Фозилжон Отахонов – “МДҲ ПА – 30 йиллик” юбилей медали ва институт бўлим бошлиғи юридик фанлар доктори, профессор Алимжон Акилов – “МДҲ ПА – 30 йиллик” кўкрак нишони билан тақдирландилар.

Фурсатдан фойдаланиб, барча тақдирланганларни самимий муборакбод этамиз ва келгусидаги, жу жумладан парламентлараро ҳамкорлик йўлидаги фаолиятларида фақат омад ва зафарлар тилаб қоламиз!

 Олий Мажлис ҳузуридаги 

Қонунчилик муаммолари ва 

парламент тадқиқотлари 

институти жамоаси