Тел: +998-91) 190-00-76
Email: info@mediator.uz
Иш вақти: 09:00 - 18:00

Тошкентда конституциявий ислоҳотга бағишланган халқаро конференция бошланди

Тошкентда конституциявий ислоҳотга бағишланган халқаро конференция бошланди


Тошкентда “Конституциявий ислоҳотнинг мазмуни ва моҳияти: Янги Ўзбекистон – янгиланаётган Конституция” мавзусида юқори даражадаги халқаро конференция бошланди.

Тадбирда АҚШ, Буюк Британия, Германия, Франция, Япония, Корея Республикаси, Хитой, Туркия, Австрия, Бельгия, Венгрия, Словения, Польша, Грузия, Қозоғистон, Қирғизистон ва Тожикистондан етакчи сиёсатчилар, давлат арбоблари, эксперт-олимлар иштирок этмоқда.

Анжуманга БМТ, ЕИ, ЕХҲТ каби нуфузли халқаро ташкилотлар вакиллари ҳам жалб қилинган.

Конституциявий ислоҳотнинг муваффақияти етакчи эксперт-таҳлилий доира ва халқаро демократик ҳамжамият томонидан тан олинишига ҳам боғлиқ. Айни ҳолат мазкур нуфузли конференцияни ташкил этишда асосий омил бўлди.
Анжумандан кўзланган асосий мақсад – маҳаллий ва хорижий экспертлар, таҳлилий доира вакиллари томонидан жараёнга баҳо бериш, конституциявий ўзгаришнинг аҳамиятини аҳоли ва халқаро жамоатчиликка етказиш.

Ўзбекистон Республикаси Олий Мажлиси ҳузуридаги Қонунчилик муаммолари ва парламент тадқиқотлари институти директори Фозилжон Отахонов модераторлигида ўтаётган илк сессия – “Конституциявий ислоҳотнинг устувор йўналишлари: Ўзбекистон – демократик, ҳуқуқий, ижтимоий, дунёвий ва тинчликсевар давлат” мавзусига бағишланди.

Дастурга мувофиқ, қуйи палатанинг Коррупцияга қарши курашиш ва суд-ҳуқуқ масалалари қўмитаси раиси Жаҳонгир Ширинов Янги таҳрирдаги Конституцияга қўшилаётган моддалар, айниқса, инсон ҳуқуқи билан боғлиқ жиҳатларга эътибор қаратди. Жумладан, бош қомусимизда “Хабеас корпус”, “Миранда қоидаси” ва “айбсизлик презумпцияси” каби муҳим тамойиллар акс этаётгани таъкидланди. 

Айни пайт Польша давлат ва сиёсат арбоби, собиқ президент Александр Квасневский “Ҳуқуқ устуворлиги тамойилининг замонавий талқини” мавзусида маъруза қиляпти. 

www.uza.uz



«    Март 2024    »
ПнВтСрЧтПтСбВс
 123
45678910
11121314151617
18192021222324
25262728293031