Жорий йилнинг 11 ва 12 июль кунлари Ўзбекистон Республикаси Коррупцияга қарши курашиш агентлиги томонидан “Минтақавий мулоқот” (Словения) ХНТ ташкилотининг Ўзбекистондаги филиал ива “Pioneer” коррупцияни ўрганиш бўйича тадқиқот институти (AҚШ) билан ҳамкорликда «Коррупция ва корруция билан боғлиқ жиноятларни ёритишда   журналистик суриштирувларнинг роли» мавзусидаги тренинг ташкил қилинди.

Тренингда оммавий ахборот воситалари вакиллари, блогерлар, журналистлар, Ўзбекистон Республикаси Коррупцияга қарши курашиш агентлиги ходимлари ва унинг ҳузуридаги Жамоатчилик кенгаши аъзолари қатнашдилар.

Мазкур тренингни Коррупцияга қарши курашиш агентлиги директори ўринбосари Умида Тухташева ва  “Минтақавий мулоқот” ХНТнинг ижрочи директори Катжа Герсак кириш сўзи билан очиб бердилар.

“Pioneer”  институтининг ижрочи директори Жемс Стержнос, институтнинг Ҳукуматнинг шаффофлиги масалалари бўйича бош мутахассиси Мери Конногтон, институтининг Оммавий ахборот воситалари билан алоқалар бўлими мутахассиси Крис Синакола тренинг иштирокичилари эътиборига Массачусетс штатининг Бостон шаҳридаги “Pioneer” коррупцияни ўрганиш бўйича тадқиқот институти фаолияти ҳақида маълумот беришди ҳамда “Журналистик суриштирувни ташкил этиш ва ўтказиш бўйича хорижий тажриба”, “Оммавий ахборот воситаларининг коррупцияга қарши кураш соҳасида очиқликни таъминлашдаги иштироки” ва “Коррупцияга қарши курашиш соҳасидаги ахборотларни етказиш ва уларнинг очиқлигини таъминлашда оммавий ахборот воситалари ва ННТларнинг роли” мавзуларида маъруза қилдилар.

Тренингда Ўзбекистон Республикаси Коррупцияга қарши курашиш агентлиги ҳузуридаги Жамоатчилик кенгаши раиси юридик фанлар доктори, профессор Фозилжон Отахонов иштирок этди.

Тренерлар тренинг иштирокчиларининг қизқиртирган саволларга батафил жавоб бердилар.